Hamendësimet e faqeve të gazetave, rreth ndarjes së djalit të ish kryeministrit, Shkëlzen Berishës, nga e shoqja, Sadija, kanë qenë të shumta.
Këtë herë, nuk ngelen më hamendësime sepse Sadija ka renditur vetë, për herë të parë, në Living, një sërë arsyesh që e çuan martesën drejt fundit.
“Arsyet pse një martese i vjen fundi mund të jenë shumë dhe nga më të ndryshmet. Për t’i kuptuar mendoj se është e nevojshme të kthehesh pas në kohë dhe të kërkosh arsyet përse u martove me dikë. Unë njoh arsyet e mia përse u dashurova me Shkëlzenin, por nuk mund të përgjigjem për arsyet e tij.
Për pjesën që më takon, unë kam qenë e sinqertë në këtë martesë që nga dita e parë në të fundit. Kjo fillon që nga diferenca në moshë, te mospranimi i famlijes, faktin që ishim rritur në vende të ndryshme, në mënyra të ndryshme dhe me mendësi të ndryshme…..Sot më vjen keq për fëmijët, që nuk po rriten në një famlije të bashkuar, që nuk kanë babanë e tyre në jetën e përditshme. Ata rriten shumë shpejtë….” – kjo është vetëm një pjesë e vogël e rrëfimit të Sadije Berishës për Living. Intervistën e plotë nga Gentian Minga mund ta gjeni nga sot në të gjitha pikat e shitjes.
