Ermal Meta ka qenë një nga emrat më të diskutuar të Sanremo-s së këtij viti. Këngëtari shqiptar është prezantuar me kengën “Vietato morrire” e cila ka rrëmbyer zemrat e shumë dëgjuesve.
Ndërkohë, në mbremjen e djeshme të festivalit, këngëtari 35 vjeçar është vlerësuar me çmimin për këngën më të mirë cover. Kënga titullohet “Amara terra mia” dhe mban motive arbëreshe.
Pas këtij suksesi, i urojmë Ermalit, pse jo, çmimin e parë të këtij festivali. Këngëtari ka qenë edhe më parë pjesëmarrës në festivalin prestigjioz Italian.
