Këto dy ditë, Evropa është përfshirë në një kaos total. Në Spanjë, Itali dhe Francë, ka patur përmbytje të përmasave të mëdha, të cilat kanë shkaktuar viktima dhe dëme materiale. Dhjetë persona humbën jetën në Majorka vetëm ditën e sotme, 3 të tjerë janë të zhdukur.
Po njësoj është gjendja edhe në rajonet e tjera përreth, ku shirat e rrëmbyeshëm dhe përmbytjet u kanë marrë jetën shumë viktimave të bllokuara në makinat e tyre. Në Itali, sipërfaqe të mëdha të Cagliarit, kanë mbetur nën ujë. Dhjetëra persona janë evakuuar në zonat rrezikuara dhe disa rrugë në Itali dhe Francë janë mbyllur për shkak të nivelit të rrezikshmërisë.
