Peshëngritësi tajlandez, Sinphet Kruithong doli i treti në kategorinë e meshkujve deri në 56 kilogramë në Olimpiadën në Rio.
Por, pak para se ta festonte arritjen e tij, gjyshja e tij, 82-vjeç nderroi jete teksa ishte duke ndjekur garën. Fshatarët në veri-lindje të Tajlandës festuan arritjen e Kruithong, por atmosfera ndryshoi papritmas.
Ajo u dërgua në spital ku fatkeqësisht u shpall e vdekur. Por, ende nuk dihet shkaktari i vdekjes së saj.
“Dyshimet fillestare na bëjnë të mendojmë se ajo vdiq nga nje atak në zemër, por duhet të presim rezultatet e spitalit”, tha një polic nga Surin, Somwang Prangprakoan për agjencinë e lajmeve “AFP”.
“Nuk jam i sigurt nëse ajo e kishte nga emocionet, ose ndoshta ishte e sëmurë”, u shpreh ai.
Tifozët kanë shprehur ngushëllimet tek Kruithong dhe familja e tij.
